Platforma

Për Demokraci Plus

Demokraci Plus (D+) është organizatë e pavarur dhe jofitimprurëse e themeluar në mars të vitit 2016. D+ është e përkushtuar për krijimin e një shoqërie demokratike përmes rritjes së pjesëmarrjes së qytetarëve në procese politike, rritjes së llogaridhënies dhe ndikimi në proceset e vendimmarrjes. Ne tentojmë integrimin e teknologjisë informative në të gjitha përpjekjet tona, kjo për të nxitur përdorimin e internetit, i cili ka rol të rëndësishëm në demokratizimin e një shoqërie. D+ synon që të kontribuojë në krijimin e praktikave të mira për qeverisje të mirë nga institucionet publike në nivel qendror dhe lokal, fuqizimin e sundimit të ligjit, avancimin e partive politike, si dhe përkrahjen e proceseve të lira dhe të drejta zgjedhore. D+ ndërmerr iniciativa që kanë për qëllim afrimin e vendimmarrësve më afër qytetarëve përmes hulumtimeve të politikave, lehtësimit të dialogut apo komunikimit dhe edukimit publik.

Për Platformën për Edukim Medial

Platforma për Edukim Medial e Democracy Plus (D+) është një mjet inovativ i krijuar për të fuqizuar qytetarët në luftën kundër dezinformatave. Kjo platformë ofron kurse online interaktive që synojnë të aftësojnë qytetarët për të identifikuar dhe për t’u mbrojtur nga dezinformatat, duke rritur mendimin kritik dhe aftësitë e tyre për të analizuar informacionin që konsumojnë.

Përveç kurseve edukative, platforma përmban Indeksin e Cenueshmërisë nga Dezinformimi në Kosovë, një burim unik që identifikon fushat më të ndjeshme ndaj dezinformatave. Indeksi ofron një analizë gjithëpërfshirëse të sfidave ekzistuese dhe rekomandon masat e duhura për qytetarët dhe institucionet, duke ndihmuar në ndërtimin e strategjive efektive për luftimin e këtij fenomeni shqetësues.

Kjo platformë është një hap I rëndësishëm drejt informimit të saktë dhe forcimit të rezistencës ndaj dezinformatave, duke kontribuar kështu në një shoqëri më të qëndrueshme dhe të informuar në Kosovë.